Home > Writing > Poems

Vo manana hikwenu - Gwambe Kulani Nhlamulo

Manana rirhandzu ra wena ra kala
Rirhandzu ra wena ri fana nara muvubi
U xikwembu xala misaveni
Xa vusiku na hlekanhi hi wena u xi vonaku
Tatana a fambi naroo

Manana wa rhandzeka hakunene
I mani a nga nyenyaku wena?
Hambi u nga dyondzangi kambe u manana wa tiyiso
U swikotini kundzi hlayisa nkaye wati nhweti
Hikwako laha a wu ya kona na mina ndzi ri na wena
Rirhandzu ra wena ra hlamarisa

Vele ra wena a ri na xilondza
Namuntlha u ndzi kurisini
Namuntlha ndzi jaha
Namuntlha ndzi tombi
Hiko kwalaho ka wena manana

Manana a ndzi tivi ku ndzi nga ku khensa hayini,
Leswi u nga ndzi endlela swona swa dura
Kambe manana u nga chavi
Ndzita ku komba rirhandzu leri u nga ndzi komba rona na mina
A ndzi nge ku nyenyi
Hi ku na wena a wu ndzi nyenyangi
Manana a ndz nge ku tsutsumi
Hi ku na wena a wu ndzi tsutsumangi

Manana wa tlela u nga dyangi
U endlela mina
Manana titswalo ta wena ti kulu
Hoyo hoyo manana
Titswalo ta ntilo a ti kuneli
Manana tlangela siku leri
U ti phina hi rona
Kwale u nga kona
Ndza ku rhandza manana
Author : Gwambe Kulani Nhlamulo

X
Help improve quality
Main description
Translation
Suggestion/s
Email Address

Update will not reflect immediatly. We recommend you login